1 ივნისი - ბავშვთა დაცვის საერთაშორისო დღე

   ამ დღესთან დაკავშირებით ბავშვებს წინასწარ ავუხსენი, რომ ბავშვთა დაცვის საერთაშორისო დღე დააწესა ქალთა საერთაშორისო დემოკრატიულმა ფედერაციამ 1949 წლის ნოემბერს .

   1950 წლიდან აღინიშნება ყოველწლიურად 1 ივნისს მსოფლიოს მრავალ ქვეყანაში. მისი მიზანია მსოფლიოს საზოგადოებრივი აზრის მობილიზება ახლი ომის საშიშროებისაგან ბავშვთა დასაცავად, ზრუნვა მათი ჯანმრთელობისა და დემოკრატიული აღზრდა -განვითარებისათვის.

 ჩვენს სკოლაში სხვადასხვა სახის ღონისძიება გაიმართა.

2017 წლის 1 ივნისი II ^ბ კლასში უჩვეულოდ დაიწყო. ვიდეო მასალის დახმარებით გავეცანით და ვისწავლეთ ბავშვთა უფლებები.  ვნახეთ ფილმები მათი უფლებების დაცვაზე. ესენია: „განსაკუთრებული დღე“, „ყვირილი“. 

 მიზანი იყო, გაეგოთ ბავშვებს, თუ რა უფლებები აქვთ და როგორ გამოიყენონ ისინი.

 ფილმების ნახვისა და მსჯელობის შემდეგ ჩავედით სკოლის ეზოში და ფერადი ცარცებით მოვხატეთ. ბავშვებმა დახატეს მშვიდობა: სახლი, მზე, ცისარტყელა და ა. შ. შემდეგ კი უამრვი ფერადი ბუშტი გავუშვით თავისუფალ სივრცეში. გადავიღეთ სამახსოვრო ფოტოები.   ბავშვები ძალიან ბედნიერები და კმაყოფილები იყვნენ.